مسآئكم / صبآحكم  ورد

مر وقت طويل على آخر تدوينه لان حضرت الوورد بريس ما كان يدخلني للوحة التحكم  ماادري ليش ؟؟

كيف آستعدآدكم للاجآزه  لازم لازم تنبسطوا فيها وتغيروآ جو عني وعنكم لاني حآكون بزي البزي في  هالاجآزه من بروجيكت LIS إلى تلخيص كتاب لمادة العربي وآسآيمنت LIS وهكزآ .. ماعلينا هذآ ضريبة الحيآة الجآمعيه وآنك تكون في مستوى الجونيور ومآيفصلك عن التخرج إلا 3 أترآم وقد تزيد  ترم آو ترمين آو آربعه بناء على آخر آشاعه  سمعتها ..

Anyway حندخل في الموضوع

حبيت اليوم أني آتكلم عن موضوع في بالي من فتره وما سمحت لي الوورد بريس بكتابته إلا اليوم ..اليوم كلامي موجه للتربويين اللي لهم دور لا يستهان به في صقل الشخصيه وخصوصا شخصيات الاطفال , والجميع يعرف ان الطفل خصوصا في مراحله الدراسيه الاولى يقتدي بمدرسيه ..

فلما تجي الأبله وتقول الغش حرام .. وقال صلى الله عليه وسلم (من غشنا فليس منا ) كلنا حافضين هالحديث من الابتدآئي ولاتغشوا  يابنات الغش حرام و و والخ .. وتكبر انت وانت حافظ هالكلام ومقتنع فيه وكل حآجه لانه كلام سليم ميه ميه وتنتقل للصفوف الابتدائيه العليا وتدخل عالاختبارات النهائيه و تجي المرآقبه وترآقب وتفتح ورقتك لانك طالبه دآفوره ماشاء الله وتنقل بعض إجابتك لبنت المدرسه الفلانيه لان هالمدرسه الفلانيه موصيه المراقبه على بنتها إيش حيكون شعورك!!

هالموقف صار لي لما كنت في سنه سادس يعني قبل تقريبا  9 سنوات وماانمحى من ذاكرتي ومااتوقع ينمحي لانه يومها انصدمت معقوله الابله تغشش !! ووالابلات يقولوا الغش حرام واللي تطالع في ورقة اللي جنبها حااشر على ورقتها بالاحمر !! طيب ليش يزرعوا في مبآدئنا شيء ويجوا بلمح البصر وبحركه تافهه يقلبوا الموآزين بكل سهوله !! مايصير هالشيء ياتربوي أنك تغرس فينا مبدأ وتخالفه بكل بسآطه قدام أعين الطلاب .. يعني كأنك تقول لهم بطريقه غير مباشره غشوا عادي … يعني خليك عند الكلمه حرام يعني حرام مو تغير كلامك

وكمان في شيء ثاني التفضيل بين الطلبه يالله هالشيء منتشر بقوه .. طيب آنا مااقولك لا تميزين وساوي البنت الكسلانه بالبنت الشاطره لأ لكل وحدها مستواها أثني على الشاطره بحيث انها تتحفز لكن حاولي أن ثناءك وتميزك مايسبب أي تشاحن وعداوه بين الطالبات .. حلو ان الواحد يكون معتدل ..

التصحيح وماادراك مالتصحيح :/ في الاختبارات أفضل شيء انه يكون أسم الطالبه أو الطالب في ورقه مستقله لوحدها ليش ؟؟ لانه مهما حاولتي وكنت عادله في التصحيح حتكوني متحيزه للبعض البنات وحتقولي هالبنت شاطره وتزيد يدك في العطاء أو تشوفي ورقة وحده مهمله وحتصيري بخيله في الدرجه .. الافضل انك تعطي كل وحده حقها بدون زيادة أو نقصان فالبتالي لما يكون الاسم في صفحه مستقله تجيبي كل الاوراق وتقلبيها بحيث ماتشوفي الاسم وانطلقي إلى التصحيح بدون ماتقري الاسماء كذا حتكوني ريحتي ضميرك وماظلمتي أحد ..

ياحبذا <<متعوب عليهـا يكون في ابتكار بالشرح مآيكون شرحك كلاسيك وسبوره وماادري أيش ولو شطحتي جبتي معك لوحه من آيام جدتي عليها رسم توضيحي وجبتي طاوله أو كرسي وحطيتي اللوحه عليها وجلستي تشرحين ترى خلاص هالطريقه قدمت مره وهالحين سمعت أنو صار في غرفة مصادر أو شيء زي كذا .. آو تسوين نفسك آنسآنه تكنولوجيه مره جبتي شرآئح بالبوربوينت وطفيتي اللمبات وبديتي تشرحي !!! بالله مو جو يجيب النوم ؟؟ وكمان مآفي تفاعل لانه كل شيء مكتوب وجآهز .

جددي , أبتكري , أبدعي في كل شيء  آستمتع/ي في كل حآجه مو تجين مطاققه مع زوجك أو تجي معكر مزاجك آو متشرشح من المدام مع الصبح وتحطون حرتكم في هالطلاب المسآكين ترى مالهم ذنب , خلوا مشاكل البيت في البيت لا تطلع مع الباب واذا كانت بتطلع قفلوا عليها .. حلوا انك تدخـل/ي الفصل بوجه بشوش ومروق حينعكس هالشيء على نفسية الطلبه وكمان الطلبه  ياليت يسوون نفس الشيء ..

هذه النقطه موجهه للوزآره بالله عليكم بآيش كنتم تفكرون وآنتم مغيرين منهج الرياضيات والعلوم ؟؟ للصف الرآبع بدآيه من هالسنه !! طيب لو عندكم خطه للتغير ماتتطبق على جيل درس شيء وفجأه يجيه منهج غريب مدري شلون أنا وهو أنا مآعرفت آحل الأسئله حقت الرياضيات مو غباء لكن آنه شيء داخل عرض ..طيب بتغيرون المناهج اوك خطوه مره كويسه لكن أبدوؤها من سنه أولى  وكملوا مو تدخل عرض , وكمان الآبلات ياليت يعرفون يشرحون هالمنآهج الجديده .. يعني الكل يعرف آن المدرسات القديمات معاهم يامعهد أو دبلوم أو ثانويه وتلاقيها بالدف مآشيه ومتعوده على منهج وآحد وبين ليلة وضحاها يجيها شيء غريب !!!..

وكمان نقطه ثآنيه لمتى والمدرسات القديمات مآسكين منآصبهم !! وش خلاص بالله تمسكي جيلك واللي بعدو واللي بعدوا مآيصير لعدة أسباب وهي آن أسلوبك يامعلمتي صار وآحد+ قديم  ومستهلك+ انو آحنا لازم نستفيد من الطاقه الشبآبيه الموجوده عندنا , لااحد يجي يقول مافي مدرسات أو مديرات قدآم إلا في من آياام زمآن كمثال مديرة الابتدآئيه اللي كنت فيها من قبل ماانولد وهي مديره وللان تشغل نفس المنصب في نفس المدرسه !!!

نرجع للتربويين ..

في الشرح طال عمرك آنزلي لمستوى البنات مو لانك فآهمه مآدتك تشرحين لهم رؤوس أقلام  أو تتفلسفين عليهم بالمصطلحات وهم ياعيني مو دآرين عن السالفه لأ خذيهم حبه حبه آسمعي آسئلتهم البسيطه في نظرك ..

هذه مخصوصه لمدرسات ومدرسين الانقلش بليز بليز آز متش آز يوكآن آبذلو مجهود ترى الانقلش آكثر مآده تقدر تبدع فيها في الشرح , يكون فيها تفاعل بين الطلبه كقروبات مثلا أو صور و هيك شغلات وكمان لاتنسوا القرامر لانه له دور مهم عالاقل لو يتخرج الطالب بحصيلة قرآمر مو يتخرج وهو مآيعرف آنه was مآضي is  وآنه I دآئم معآهـا am يعني على قولهم مآيعرف كوعه من بوعه .. صح انه الطلاب مخهم تخين شوي في الانقلش لكن الصبر زين  خذوهم بالتدرج  صدقوني في نهآية السميستر حتشوفوا التطور وعلى ضمآنتي ..

هالكلام موجه للمدرسين والمدرسات  صحيح آن التدوينه مؤنثه لكن لا يعني آنها موجه فقط لهن بل لكم آيضا ..

آتمنى آنكم تشآركوني بوجهات نظركم ..

مبارك عليكم الشهـر .. وكل سنه وآنتمـ بصحه وعآفيه يآرب ..

وش رآيكم بس في الموضوع آصلح آخذ الجنسيه المصريه خبركم مصر قريبه مننا ومآيفصلنا غير البحر الاحمر <<والله صدق

من كم يوم شفت إعلان لشركة الاتصالات السعوديه للانترنت على قنآة MBC  أذا مآ خانتني الذآكـرهـ ..

هوون إعلانهم .. على موقع اليوتيوب

طبعا وآضحه وآضحه عين الشمس أن قصدهم على شركة  موبآيلي بخدمة البرود بآند خخخ اللي منتشر أعلانهـا على القنوآت حتى آنه وآصل لابو ظبي خخ.. شعار أزرق وجهـاز ممآثل لبرود بآند موبآيلي ونفس سرعة المودم اللي يعلنون عنه مو بآيلي .. (لان عندهم مودمين كل وآحد بسرعه غير وسعر غير اللي سرعته على مآآظن 512كيلو بايت  شهريا بمبلغ 85 واللي سرعته 2 جيجا بـ299 ) .

بصرآحه آول مآشفت الاعلآن فطست ضحك ليش ؟؟ لانو رمضآن اللي فآت كآن الكنكت عندي زفتتتتتتتتت لدرجة تجيب الضغط والسكر لانهم حضرتهم حدثوا شبكة الجيل الثالث فكآن الكنكت يشتغل على آبرآج الجيل الثآني وكآنت السرعه كآنهـا سلحفه لدرجة آفتح كذا شيء وآسيبه يتحمل على كيفه وآرجع والقى الصفحه لسه مآفتحت :/ << معآناهــ فكنت آتنقل في البيت من غرفه لغرفه بدون فآيدهـ :/  بعدين رجعت  الآبرآج ..

هالتنآفس شيء طيب لانه لو مآكآن عندنا شركة إتصآلات ثآنيه كآن يمكن نلآقي السرعه البطيئه بمبلغ أوفر .. ولو كآنت بس شركة الاتصالات هي المتربعه كما في السآبق كآن مآشفنا لا برود بآند ولا كنكت وآزين شيء كل ما  جد جديد الشركة الثآنيه تسوي نفسه لكن بفرق سعر أو مميزآت .. آتمنى تدخل زين في هالصرآع عشان تشعلل ويصير النت أزين خدمه وآرخص سعر خخ .. وتجي شركه رآبعه وخآمسه ويصير بدل مو انت تروح ترتز وتسأل لا هم يدورون عالبيوت ويقولون جربوا خدمتنا ببلاش << أحلمي زين ..

تتوقعون أيش حيكون رد مو بآيلي على هالاعلان ؟؟

آنتظر آعلان موبآيلي على آحر من الفلفل

فوتّوكوآ بعآفيه ..

مراحب

هالموضوع رافع لي ضغطي جداا ..

ليش احنا دايم نهتم بكلام الناس  عننا؟؟

ليش دايم نحط في بالنا الناس أول شيء ؟؟؟

لما بنروح فرح أو مناسبه أول شيء نفكر نقوله لاااا فستاني شافوه :/ ماابغى اروح إلا بواحد جديد   ايش يقولوا عني ؟؟ ماعندها الا فستان واحد ؟؟:/ لاااا مايصير ..

ولا مثلا وحده متزوجه و زوجها يصبحها ويمسيها بكلام وشتم وضرب وتلاقوها ماتبغى تتطلق ليش ؟؟؟؟ لااا اتطلق عشان يقولوا عني مطلقه ؟؟

مع انه شيء عادي انه تكون مطلقه وليش عندنا في الشرع شيء اسمه طلاق ؟؟ لانه حل لمشكله زي مشكلتهـا ؟؟

وكمان عندنا الناس يالطيف ماتترك احد في حالو مايحسبون يمسكون عالواحد الزله !!!

أتذكر مرهـ كنت عند المرايا اللي في الحمامات (وانتوا بكرامه )  ومعي صديقتي وفي بنتين وحده فيهم رايحت فرح وتحكي صحبتها الثانيه اللي معاها وتقولها يع لابسه فستان مدري كيف وباين ان فستانها جاهز مو تفصيل << ??? طيب ايش فيهـاا ولاااا كمان ظهرهـا برى  والفستان ساده مافي شيء يعنني انا ناعمه وهاتك ياحششش في ذيك البنت والله كسرت خاطري البنت اللي يحشون فيهاا  ..طيب هي حرهـ تبغى تلبس زي ماتبغى انت ايش دخلك !!!

ليش تحشري نفسك في شي مايعنيك ؟؟ إذا مصره يعني تقولي رأيك قوليه بس بطريقه حلوه وكمان مو دايم تقوليه لو أحد طلبه منك كمان ..

ليش احنا كذا ؟؟

نهتم بكلام الناس :/   وننقد عالناس :/

في اشياء الناس مالهم دخل فيها لكن احنا نهتم بكلامهم ؟؟ والكل عارفين قصة جحا وحماره   اللي حاول بشتى الطرق انه يرضي الناس وماقدر ؟؟ مرهـ يطلع هو عالحمار والناس تقول  ماعنده رحمه لولده وبعدين يطلع الولد ويقولوا شوفو الولد مايحترم ابوه طالع عالحمار وابوه يمشيء !! وبعدين يطلعون كلهم عالحمار ويقولوا شوفوا ماعندهم رحمه كلهم طالعين عالحمار مافي رفق :/ أخر شيء صار جحا ولده يمشو والحمار ماعليه احد والقروب اللي بعده يقول ايش الحماقه مااحد راكب عالحمار ليش :/ :/

مسكين ياجحا سويت كل الطرق ومااعجبت  احد !!!

والكل عارف انو ارضاء الناس غاية لا تدرك  ولو نسوي اللي نسوي مستحيل نعجب أو نرضي الناس كلهم  لأنه الناس شخصيات مختلفه فمن الصعب اننا نرضي كل الشخصيات في نفس الوقت لازم نحصل على رضا مجموعه معينه وسخط مجموعه اخرى :/  ..

** خذوهـا من الاخر واعملوا اللي يعجبكم ومقتنعين فيه ولا تعيروا الناس وكلامهم اي اهتمام ..

See you…..

Hi  how are you

I miss you soooooooooooo much

Do you start your vacation or not yet??

OMG

I’m proud of myself to do it . I can’t believe that I did from the first time. So I’m good chef It was yummmy cinnabon .

صرنـا ننافس   فوتون لوووووووووووولز    بس تعرفوون صيف وعطله لازم نسوي شيء نتسلى فيه

شكل هالصيفيه حتكوون مطبخيه بحته

This is my cinnabon

cya latter
have a nice time friends

أستغفر الله

استغفر الله

استغفر الله

استغفرالله

السالفه من جد هززهـ آرضيه مدري زلزال مدري بركان حسينا فيها      ..<<لا تشرهون

عالمسنـ آغلب البيرسونالز هزهـ هزه قووويه -_-

هنـا لمتابعة أخر المستجدات

يارب عدي هالأزمه على خير

اللهم لاترنا في أنفسنا عجائب قدرتك ..(وماكان الله معذبهم وهم يستغفرون )

استغفر الله

استغفر الله

استغفر الله

لا تحرمونا وتحرموهم من دعائكم في ظهر الغيب ..

يارب احسن خاتمتنا

p.S  كليتي الحلوهـ ورى ماتعطونا أجازهـ ترى هذا أنسب وقت ولا فكونا من Major 2 ترى النفسيه ماتساعد -_-

بعد طول آنتظـار جـانا مطـر صح مو كثير بس آهم شيء شفنا المطر وشمينا ريحته (المطر كان يوم الاحد والاثنين )

في البدايه الجو كـان غباار فظييعع لدرجه آنك مآتقدر تشوف شيء..

(جـانب من الغووبآررر )

لكن عالساعه 6 يوم الاحد الجو صـار  شيء روعـه كـانت السمآء مليآنه غيوووم والشمس مآتنشآف والمطر شيء ولا آروع وجلسه في الحوش مع هوت شوكلت شي ثـآنـي

P.s  بنت الحـربي شوووكـرا لك صقيقتي الصقوقه على التقاطك للصور مآيحرمنيش منك يآقلبوو ويخليلك اللي بالي بالك ههههههههههههههههههههههههههههه

ويووم الاثنين عالسآعه 11ونص تقريبـا كـان الجوو آرووع ومطرت ثـآني وآحنا في الكوليج شيء روووووووووعه ومع البنات شيء ثـانـي …يـارب تتكرر في آقرب وقت ..

دعوآتكمـ لي في Major 2 بالتوفيق

يلآ تـيك كـير

”عليك أن تدرك بأن قراراتك  وليس ظروفك هي التي تقرر مصيرك”

آنتوني روبينز

يدعوا النادي الاجتماعي الطالبات الراغبات بالتسجيل في دورة

( فن حل المشكلات واتخاذ القرار )
والتي ستقام باذن الله في يوم الاثنين

الموافق 10/4/1430هـ من الساعة 12.15 ظهرا

وحتى الساعة 2.15 ظهرا في قاعة رقم (25)

تلقيها أ/ نور عبدالعزيز المدربة في مراكز تدريبية معتمده

بالمبادرة بتسجيل اسمائهن لدى

مشرفة الانشطة والنادي الاجتماعي

ملاحظة :
• سيتم منح شهادة حضور الدورة التدريبية للطالبات الحاضرات.

• الاماكن محدودة وستكون الافضلية بحسب اولوية التسجيل.

شدني هالاعـلان اللي كـان مـعلق  على بورد الاعـلانات في الكلـيه .. ومن الصدف وحـسن الحظ انـي في وقت هالدورهـ فاضـيه ماعندي اي محاظرات فقررت انـي استفيد من وقتي وكمـان حااخذ شهـادهـ يعنـي 2 ×1 ورحت انا وصديقتـي وسجلنا  فـي هالدورهـ..

وحـبيت آنقل لكم بعض المقتطفات من هالدورهـ..

كانت الدوره عن التخطيط وكيف تخطط لحياتك وليس عن الموضوع اللي كان عنه الاعلان   وماادري هل هو خطأ مطبعي او شيء ثانيه لكن المهم اني استفدت

وهنـا بعض المقطتفات

( إذا اردنا ان يتم العمل دون تعب فعلينا اولاً ان نتعب في تعلم هذا العمـل )   صمويل جونسون ..

س / ماهو التخطيط ؟

التخطيط هو عبارهـ عن افكار ومشاريع واهداف يضعها الشخص ويقيد نفسه بوقت وزمن محدد للتنفيذ . ويختلف التخطيط من شخص لاخـر على حسب الفئه العمـريه والبيئه المحيطه .

س/ مـاهو الدافع لأدرس وأتعلم مهارات التخطيط ؟

الدوافع كـثيره منها حفظ الوقت والجهد .. وعدم استنزاف الطاقات وهدرها فيما لا ينفعنا

س/ مالذي اخطط ان افعله بهـذهـ المعلومات ؟

هذه مقوله لا اتذكر من هو قائلها  : ( لكن هو أمريكي الجنسيه

التعليم اربع مستويات 1/ الحفظ على مستوى الحواس    2 / الفهم على مستوى الادراك

3/ التطبيق على مستوى السلوك    4 / نقل أثر التعليم ( التوليد )

** التخطيط الاستراتيجـي :- يحدد الشخص موقعه ( نقطة الواقع )  و المأمول ( المكان الذي يطمح للوصل اليه ) بين هالنقطتين مسافه وهي فجوة الاداء (هذه الفجوهـ تكون بين الواقع ومانأمل الوصول اليه )

وعلى الشخص الشعور الايجابي في نقطة الواقع (موقعه الحـالـي )

وهنا في هالتخطيط يتوجب ان نراعي 4 نقاط لكلا من الواقع والمأمول ..

الواقع :  _ الفُرص  _تحديد نقاط القوه _ تحديد نقاط الضعف _ التحديات

المأمول : محدد وايجابي _ واقعي ومؤقت _ أثره عالمجتمع _ مقاس وله دليل

* الرؤيا : الصورهـ الذهنيه للمستقبل

التخطيط للتغير كيف يكون ؟

ماذا أفعل ــــ > ماذا أريد أن أفعل ـــــ> أحدد الفجوه ـــــ> أخطط للتغـير ـــــ> أجري للتغير ـــــ> أحُسن الأستمرار .

مفاتيح المعرفه :   ماذا اريد من هدفي   ,  ماهي النتائج التي اريدها من هدفي

طلبت مننا اننا نتقسم قروبات ونخطط لمشروع معـين .( لكن الوقت داهمنا وصار بدون تطبيق يادوب الوقت كفى ننقسم قروبات ونفكر في المشروع  ونحدد أهدافه وقالت لا خلاص حنكمل نظري بدون تطبيق  :  (    .

المشروع  والامور التي يتوجب علي مراعاتها فيه..

ماهو المشروع الذي اريده وماهي النتائج التي اطمح اليها ,  ماذا أعرف عنه , لماذا اريد هذا المشروع , لماذا انا مميز ومشروعي مميز , التشابه بين مشروعي والمشاريع الأخـرى وتلافـي الوقوع في نفس الخطأ  , لمن هذا المشروع (الفئه المستفيده ) وحصرهم ومحاولة ارضاءهم , من هي الفئه المنفذه , من الداعم والمعارض للمشروع والمنافسين , المكان المناسب للمشروع , وقت التنفيذ المناسب , البدء فعليا  , مرعات امكانياتي ,  الدعايه والاعلان , مرعاة ميزانيتي , تحديد الوقت المستغرق لتنفيذ المشروع , تحديد العقبات , ماذا لو فشل مشروعي   ماذا لو نجح مشروعي    ماذا بعد الرضى .

وختمت الاستاذه دورتها بـقاعدتين  وهما  لا تستسلم

لا تنسى القاعده الاولى .

ونوهت بأن افضل الطرق لتخطيط هو تدوينها على الورقه والقلم وذلك لتحقيق الانجاز الأكـبر ..

آتمنى لكمـ الفائدهـ .

آهـلـين ..

فـي زي هالشهر لعـام 2008

بدأت التدوين .. و فـي هالشهر صار لـي سنه تدوينه ..

طبعا ماتوقعت أنـي أكمـل سنه ..

توقعت أني بدون فترهـ وراح أوقف .. يعنـي قلت حأأمل .. لكن طلع العكس ..

فـي مدونتــي ..

أدون كل مايخطر على بالي .. أدون أي شيء  أفكـاري .. وجهات نظري .. اقدر أناقش اي شيء ؛  يـعني مساحـتـي الخاصه  ؛ اتبادل الاراء مع المدونين والمعلقين ..

برأي التدوين لا يقل أهميه عن السلطة الرابعه .. فكلاهما يؤديان نفس الغرض ولكـن بطرق مختلفه ..

كونوا بالقرب ..

نـص تفاحه ..

** pic from Getty Images

الصور آبلغ من الكلامـ كمآ يقال

وقد حاز الطبق اعلاهـ على رضى جميع من تذوقه ..

P.s لوودي لما تهزي طولك وتنزلي من جدهـ ونتجمع بأسويهـ

P.s فيثاغورسيهـ يمدحوون شيآطين هالمطبخ الايام ذي فلما يجيك شيطآن من هالقبيل لاتتعوذين منهـ بس لبي لهـ مبتغاهـ وآطلقي العنان لهـ لوووووووولز

من يبي ؟؟

** المقادير : كيك اليمامه بالشوكليت أو الفانيليآ  / 2 ظرف كريم كرآميل / 4 ملاعق حليب بودرهـ / 17 حبه بسكويت شاهي / ملعقة نسكافيه / كاكاو بودرهـ ( صوص هيرشي / حلاوهـ مآلتيزرز للزينه)

الطريقه : تجيبي كيك اليمامه وتفتحيه ( يعني تخيلنه جزئين ) وترصيه في الصينيه بحيث ان الجزء اللي فيه الحشوهـ يكون على برى

وتحطي في الخلاط البسكويت / القشطهـ / النسكآفيهـ  وتخلطيهمـ مزبوووط

وفي قدر تجيبي كاسه ونص مويه وتحطي الكريم كراميل مع 4 ملاعق حليب وتخلينه يغلي

بعدين تحطيه في الخلاط مع البسكويت وتخلطيه حتى يتجانس مع بعض

وتصبيه فوق كيك اليمامه ..

تجيبي الكاكاو البودرهـ وتجيبي صفايه وترشي على الطبقه الخليط حق الكرميل  وتخليه لمده 10 دقايق تقريبا  وبعدين تحطيه في الثلاجه وبالعآفيــهـ

وتزينيه بالمالتيزرز والصوص

آدري لي مستقبل طبيخي بشهادهـ الجميع

الى الملتقى مع صنف آخر